Fitsum Atnafework K/Mariam

ሚዛን አይዝመም!

በማለዳ ስልክ ሲደወል አልወድም፡፡ እናቴ ነብሷን ይማረውና በጠዋት ሲደወልላት “ደግሞ ማን ሞተ ሊሉኝ ነው?” እያለች ነበር የምታነሳው እና እንዳጋጣሚ ደግሞ ሁሉም የማለዳ ስልኮች የሞት ዜና እንዳልነበሩ አስታውሳለሁ፡፡ እንደዚያም ሆኖ ግን በቃ የድሮ የእናቴ ስሜት ተጋብቶብኝ አልለቀቀኝም፡፡ ታድያ የፈራሁት የሆነው ለጥቅምት 7 አጥብያ ከሳምንታት በፊት ለባለቤቴ በእጅ ስልኩ ላይ ተደውሎ ነው፡፡ ቀደም ሲል በማናውቀው ቁጥር ደዋይ ለባለቤቴ በማለዳ ከ11 ሰዓት በፊት ደወለ እናም ባናቀውም ማንሳት ነበረበት፡፡ ባለቤቴ በወጣትነቱ የወለዳት ልጅ ነበረችው እናም ደዋይ የእሷን ስም ጠርቶ አባቷ መሆኑን ጠየቀው፡፡ ባለቤቴም እንደ ሕጻን እየተኮላተፈ “አዎ ነኝ፤ ምን ሆነች??” ብሎ ጠየቀ፡፡ “ልቤን እያለች ነውና ቶሎ ድረሱላት” ሲለው በቃ የሆነውን እንዴት ልቀጥልላችሁ፡፡ ፒጃማችን ላይ የቀን ልብስ ደርበን ነበር በፍጥነት እያሽከረከርን የደረስነው፤ “ልቤን ወጋኝ” ብላ ለሆስፒታል እንኳን ሳትደርስ ሕይወቷ አልፎ ነበር እኛ የደረስነው፡፡

ሚዛን አይዝመም! Read More »

The እኩያን

ልጅትን ያወቅኳት በማህበራዊ ሚዲያ ነው፡፡ በአካል እንድታገኘኝ ደጋግማ ስትወተውተኝ “ያስጨነቃትን ነገር ለእኔ በመንገር ቀለል የሚላት ከሆነ የመገኘት መስዋእትነት ልክፈል” ብዬ ሰዓቴን ገድቤ ቀጠርኳት፡፡ ገደብ ያደረግኩት ያንን ያህል ከአቅም በላይ የሆነ ውጥረት ውስጥ ስለሆንኩ ሳይሆን “ብዙም ከማላውቃት ሴት ጋር ከዚያ በላይ ምንም መነጋገር አልችልም” ብዬ አስቀድሜ በመደምደሜ ነበር፡፡

The እኩያን Read More »

ወይኔ ጉዴ ፈላ!

በቀደም እለት አዲስ ዓመት የነበረው 2018 ዓ.ም. ከምኔው ተሯሩጦ አልቆ አሮጌ እንደሆነ አልገረማችሁም!? ደግሞ እኮ እራሱን ችሎ ቢያረጅ እኛ ምን ቸግሮን! አባሪ ተባባሪ አድርጎ እኛንም ማስከተሉ ከፋ እንጂ፡፡ ለነገሩ በዚህ መኖር ተአምር በሆነበት ዘመን እየኖሩ ማርጀት እኮ ፀጋ ነው፡፡ ጥያቄው ግን እየኖርን በጊዜው ያቀድነውን ለመከወን እድል አግኝተን ይሆን ወይ? የሚለው ነው፡፡ የጊዜው ሩጫ እንደ ድሮ አይመስለኝም፡፡ አንዳንዴ ነዳጅ ልቀዳ ነዳጅ ማደያ ስቆም ማሽኑ ሲከፈት  ቁጥሮቹን በቅጡ ሳላያቸው የነዳጅ መጠን ማሳያ (ጌጅ) ጋኑ መሙላቱን የሚያሳየው ፍጥነት እና የጊዜ መሮጥ ይመሳሰሉብኛል፡፡ እናንተስ!? እንደ እኔ ነው የሚሰማችሁ ወይንስ ጊዜው አላልቅ እያለ አዲስ አመት እየናፈቃችሁ ነው? ያው ለሁላችንም አዲስ አመት መጣሁላችሁ እያለን ነውና እኛም እንኳን ደህና መጣህ እንለዋለን፡፡

ወይኔ ጉዴ ፈላ! Read More »

አይነኬ!

በአንድ ወቅት እሰራበት የነበረ መ/ቤት ውስጥ እንደልቡ እንዲሆን ልዩ መታወቅያ የተሰጠው የሚመስል  የስራ ባልደረባችን ነበር፡፡ ታድያ ይሄ ሰው አለቃ ከምንዝር ሳይለይ ሁሉንም ሰው አፉ ያመጣለትን ሲናገር ልቡን እንኳን የሚያማክር አይመስለኝም፡፡ ብዙ የማይረሱኝ አስከፊ፣ አናዳጅ እና አንዳንዴም አስገራሚ የሆኑ ንግግሮቹ ከነስሜታቸው በአእምሮዬ ተቀርፀው ቀርተዋል፡፡ ከማይረሱኝ ንግግሮቹ ለምሳሌ አንዱን ላጋራችሁ፤ የስራ ኃላፊያችን የብዙ ልጆቻቸው እናት ከነበሩት የ80 ሚስታቸው ተደብቀው በቢሮ ውስጥ በፈጠሩት ጾታዊ ግንኙነት አንድ ልጅ ወለዱ እና ያቺን ያስወለዷትን ሴት ለመካስ ከነበረችበት ዝቅተኛ የስራ መደብ ከፍ አስደርገው እሳቸው በኃላፊነት በሚመሩት እና እኛ የምንሰራበት ክፍል አስመድበዋት ነበር፡፡ ድርጊቱ ድብቅ ይሁን እንጂ ሰራተኛው ሁሉ በጭምጭምታ እየተቀባበለ አውቆታል፤ ግን ማንም ምንም አይናገርም ነበር፡፡ ታድያ በአንዱ ቀን ያቺ እናት ልጇን የመ/ቤቱ ክሊኒክ ለማሳከም ታመጣ እና ምርመራው ካለቀ በኋላ ቢሮ ይዛው ትመጣለች፡፡ ያ እንደልቡ የሚናገረው ባልደረባችን  ሰራተኛው ሰብሰብ ባለበት ልጁን ለመሳም ሳብ እያደረገ “አንበሳው ምናለ እናትህን እንኳን ብትመስል! ከማርገዟ በስተቀር እናትነቷን የሚያረጋግጥ አንድ ነገር እንኳን የላትም እኮ፤ ይሄኔ እነዚያ ከቤት የተወለዱት ልጆቹ እንዲህ እንደ አንተ ቁርጥ አባታቸውን አይመስሉም እኮ!” በማለቱ እኛ ተሳቀቅን እንጂ እሱ ምንም አልመሰለው፡፡ አለቃችን ሽምቅቅ እሷ ደግሞ ቁጥት ቢሉም ቃል አላወጡም፡፡ “አሁንስ አበቃለት!” ያልነው ያ እንደልቡ ተናጋሪ ሰራተኛ በማግስቱ ከኣለቃችን ጋር በወቅቱ ያካሄድ ስለነበረው የአፍሪካ ዋንጫ የእግር ኳስ  ቅልጥ ያለ ጭውውት ሲያደርጉ ስሰማቸው “ወንዶች ስለሆኑ ነው እንደልቡ ተናግሮ ያልተኮራረፉት?” ብዬ በሀሳቤ ሳውጠነጥን ሰውየው ለካ አይነኬ ስለሆነ ነው፡፡ እሱ ጋር ያለን ምስጢር ለመጠበቅ ባላየ ይታለፋል፡፡ ታድያ በየመ/ቤቱ እንደዚህ ያሉ ስለስራም ይሁን ስለሰዎች ግላዊ ሕይወት የመሰላቸውን የሚናገሩ ሰራተኞች ገጥመውኛል፤ ግን ማንም ምንም አይላቸውም በቃ አይነኬ ናቸው፡፡ እኔ ዛሬ ላይ ቆሜ ሳስታውሳቸው ግን ግርም ድንቅ ይለኛል፡፡ ምክንያቱ ደግሞ አይነኬዎች መጠቀሚያዎች ስለሆኑ ነው፡፡

አይነኬ! Read More »

ሙስና ግን ይጣፍጣል እኮ¡

ወቅቱ የትንሳኤ በዓል ዋዜማ ነበርና አንዱ የድርጅታችን ደንበኛ የነበረ ዕቃ አቅራቢ (ነጋዴ) ለኃላፊያችን የምግብ ቅቤ ይዞላቸው ይመጣል፡፡ ነጋዴው ኃላፊያችንን ከቢሮአቸው ያጣቸዋል፡፡ እንዲያው ስገምት ሁለቱ የቢሮአችን ፀሐፊዎቻቸው ያልተረከቡት ሆነ ብለው እኔ እንዳውቅ (እንዳየው) ስለፈለጉ ይመስለኛል፤ ይህ የሆነው እኔና ኃላፊያች በስራም በባህርይም የማንግባባ ይልቁንም አንዳችን የሌላችንን ስህተት አድፍጠን የምንጠባበቅ ሰዎች ስለነበርን ይመስለኛል፡፡ በዚያ ላይ ኃላፊያችን ከሁላችንም ጋር ፀብ ያለሽ በዳቦ አይነት ጨዋታ ላይ ነበሩ፡፡ እናም ፀሐፊዎቹ  ”እኛን ስለማያምኑን ፍፁም ቢሮ ሂድና ስጣት፤ እሷ ትሰጥልሀለች” ይሉታል፡፡ ቅቤውን ዝም ብዬ ተቀብዬ ልሸኘው አልወደድኩም ነበርና ትንሽ ተጨዋወትን፡-

ሙስና ግን ይጣፍጣል እኮ¡ Read More »

ጋለሞታ ማናት!

ሰብሰብ ብለን ወግ ይዘናል፤ በቁጥር ወንዶች ቢበዙም ሴቶችም የተወከልንበት ወግ፡፡ በጣም የምንግባባ ስብስቦች ስለነበርን ያንንም ይህንንም ርእስ እንደመጣልን እናነሳለን፤ ሀሳባችንን በነጻነት እናፈሳለን፡፡ ርእሳችን ሄደን ሄደን ሁላችንም በጋራ የምናውቃት አዲስ ቢዝነስ ጀምራ የምትታትር ሴት ጋር ደረሰ፡፡ ያቺ በሌለችበት እና ባልዋለችበት የተነሳችው ሴት በብዙ የሕይወት ፈተና አልፋ አሁን በእግሯ ለመቆም እየተውተረተረች ነው፡፡ ባለፈ ታሪኳ የአንድ ልጅ እናት ስትሆን  ያልዘለቀው ትዳሯ ብቸኛ እናት (single mother) እንድትሆን አስገድዷታል፡፡

ጋለሞታ ማናት! Read More »

እቴጌ ጣይቱም ተገፍተዋል!

ሰሞኑን የአድዋ በዓልን በደማቅ ሁኔታ አከበርን፤ እንኳን አደረሰን! ይህን ተከትሎም የማርች ወር ስለሆነ ስለ እኛ  ስለሴቶች ብዙ ይባልልናል፤  ይህም ደስ ይላል አይደል!? የአድዋ በዓል ሲከበር በየዓመቱ የተወዳጇ ጂጂ ሽባባው “አድዋ” ዜማ በየጣብያው ይንቆረቆራል፡፡ ይሄ ደግሞ እያንዳንዳችን ኢትዮጵያውያን ላይ የሚፈጥረው ዘመን ተሻጋሪ ስሜት በቃላት አይገለጽም፡፡ ታድያ ሁልጊዜ አድዋ ሲዘከር ቀድመው የሚጠሩት እምዬ ምኒልክ ናቸው፤ ትክክልም ነው! የሀገሪቷ መሪ እሳቸው ነበሩ፤ የእሳቸው ቁርጠኛ አመራርም ነው ለዛሬ የነጻነት አየር መተንፈስ ያበቃን፡፡

እቴጌ ጣይቱም ተገፍተዋል! Read More »

እየሞከርኩ ነው!

ሰሞኑን በጣም በብዙዎች የታየ፣ የተወደደ እና መነጋገርያ የሆነ ቪዲዮ ለዛሬ ጽሑፌ ከነርእሱ መነሻ ሆኖኛል፡፡ ላላያችሁት ግን ትንሽ ስለቪዲዮው ልንገራችሁ፡፡ አንድ አከራይ ተከራዩን መንገዱ ላይ ጠብቆ የቤት ኪራይ ሳይከፍል በመዘግየቱ እንዲከፍል ሲያስታውሰው ግራ የተጋባው ተከራይ ምርር ብሎ ሳይከፍል የዘገየበትን የተደራረበ ችግር የሚናገርበት አባባል ነው፤ “እየሞከርኩ ነው!” ማለቱ፡፡ ሁላችንም ችግሮቻችንን ለማሸነፍ እየሞከርን ነው፡፡ ግን ደግሞ ችግርን የሚቀርፍ ወይንም ፈቀቅ አድርጎ እና እፎይታ የሚያስገኝ ሙከራም እያደረግን ለመሆኑ ብዙዎቻችን እርግጠኞች አይደለንም፡፡ ታድያ “ሙከራችን ምን አይነት ቢሆን ነው?”

እየሞከርኩ ነው! Read More »

በጋመ ምጣድ ለመጋገር ወረፋ አንያዝ!

አቤት የድሮ ጉርብትና እኮ ብዙ ደሳስ የሚሉ ትውፊቶች ነበሩት። ማህበራዊ ኑሮው በተለይ ዳግም ላይመለስ የጠፋ እንደ ትርክት ለልጆቻችን የምናወራው ለእኛ ብቻ ትዝታው የሚያስደስተን:፡ ለምሳሌ እንዲህ እንደአሁኑ በከተማችን ብዙ የኤሌክትሪክ ምጣደች በየቤቱ ባልነበሩበት ዘመን የጋራ የሆኑ የጭስ ኩሽናዎች ነበሩ፡፡

በጋመ ምጣድ ለመጋገር ወረፋ አንያዝ! Read More »

ወንዶች እና ቀለበት

በስራዬም በትምህርት ቤቶቼም ያፈራኋቸው ድንቅ ድንቅ የሁኑ የወንድ ጓደኞች አሉኝ፡፡ ወንዶች ለጓደኝነት በጣም ይመቻሉ፡፡ ጓደኝነት ስል ግልጽ ለማድረግ ጾታዊ ንክኪ የሌለበት ጓደኝነት ወይንም በተለምዶ ወንድም ጓደኛ ማለት ነው፡፡ በተለይ በአንድ ርእሰ ጉዳይ ላይ ለመወያየት ያወቁትን እና የገባቸውን በግልብ ያለማለባበስ ለማስረዳት ምንም ወደኋላ አይሉም፡፡ እንደዚያ ማለቴ ደግሞ ሴት ጓደኞች አይመቹም እያልኩ እንዳልሆነ ያሉኝ የሴት ጓደኞች ብዛት ምስክር ነው፡፡ አሁን ለማውራት የፈለግኩት ስለግልጽ ውይይት ነው፡፡ በተለይ እኛ ሴቶች ብዙ ነገር እንደ ነውር (taboo) እየተቆጠረብን ሀሳባችን ተቆነጣጥሮ የሚቀርብበት ይበዛል መሰለኝ፤ ማለቴ መሰለኝ ስል ያው ጥርጣሬ ነው፡፡ እና ግልጽ ውይይት የምንፈራው ወደንና ፈቅደን ሳይሆን ማህበረሰቡ የሰራን በሽፍንፍን እንድንወያይ ነው ለማለት ነው፡፡

ወንዶች እና ቀለበት Read More »

Scroll to Top