Fitsum Atnafework K/Mariam

እያለን የለንም!

እያለን የሌለው ምን ይሆን ብላችሁ ከጠየቃችሁኝ ካለን ነገር ብጀምር በጣም ብዙ ነገር አለን፡፡ ብዙዎቻችን በተወሰነ መልኩ ትምህርት ቤት የሄድን፣ በተለያዩ ስራዎች እና ንግድ ላይ የተሰማራን፣ ከሰዎች ጋር የምንኖር እና የምንሰራ፣ ከሰዎች ልምድም እውቀትም የምንጋራ የምንማማር ሰዎች ነን፡፡ ብዙዎቻችን አእምሮ አለን፤ የምናስብበት፣ የምንተሳሰብበት፣ የምናሰላበት፣ የምንሰላበት፡፡ ከአእምሮ በተጨማሪ የስሜት ሕዋሳቶች አሉን፤ አካባቢያችንን የምናይበት፣ የምናዳምጥበት (ካዳመጥን…በኋላ እመለስበታለሁ)፣ ሚዛን የምንጠብቅበት፣ የምንዳስስበት፣ የምንንቀሳቀስበት፣ የምንቀምስበት እና የምንለይበት፡፡ እነዚህ የግል ንብረቶቻችን ሲሆኑ እንደማህበረሰብ ደግሞ ባህል፣ ኃይማኖት፣ ማህበራዊ ኑሮ፣ ሀገር፣ መንደር፣ ወዘተ አሉን፡፡ አንድ ሰው በዚህ ሁሉ መኖር ውስጥ ታድያ እንዴት ነው አቅም እና አቋም እንደሌለው ሆኖ የሚገኘው!?

እያለን የለንም! Read More »

የአበባየሽ ወይ ገራሚ እይታ!

መስከረም አንድ ቀን የሚከበረው የኢትዮጵያ አዲስ አመት የአንድነት አውድአመት ነው፤ ሁሉም ኢትዮጵያዊ ዘር እና ኃይማኖት ሳይለይ የሚያከብረው እና በደስታ የሚቀበለው፡፡ ሁላችንም ልጅ አዋቂው እንኳን ለ2018ዓ.ም. በሰላም ደረሰኝ የምንባባልበት ትልቅ ቀን ነው (በዚሁ እንኳን አደረሰን ብያለሁ!)፡፡ እለቱም እንቁጣጣሽ ተብሎ በተለይ ታዳጊ ሴቶች ልጆች “አበባ አየሽ ወይ!” ብለው እየዞሩ ይጨፍራሉ፤ ሳይርቁ በጎረቤቶች እና በሚያውቋቸው ሰዎች ቤቶች፡፡ ታድያ ዛሬ በዚህ ጉዳይ የሚያስወራኝ ገጠመኝ ስለኖረኝ እንጂ አዲስ አመትማ ሁላችንም የምናውቀው እና የምናከብረው ነውና እያስተዋወቅኳችሁ እንዳልሆነ ይሰመርበት፡፡

የአበባየሽ ወይ ገራሚ እይታ! Read More »

እናጣራ!

የመጪውን የኢትዮጵያ 2018 ዓ.ም. በትዳር ለመጀመር የአቀዱ ተጣናጆች ሰሞኑን ሽምግልና እየላኩ ነው፡፡ ትዳር ደግሞ ታቅዶ ሲጀመር ፍጻሜው ያማረ ይሆናል አይባልም ለካ፤ ምክንያቱም ትዳር የ80 ዓመት ውል ስለሆነ ቀድመን የምንፈጸመው እኛ ስለሆንን (መሰለኝ)! ዋናው ቁምነገር የታቀደ ነገር ካልታቀደ እና ከግብታዊ ውሳኔ በብዘ እጥፍ ይሻላል፡፡ ታድያ ስናቅድ በጀት ነክ ነገሮችን እንደ ሰርግ፣ የቤት ኪራይ፣ የልጆች ብዛት፣ የቤት ቁሳቁስ ወዘተ ብቻ አይደለም ማቀድ ያለብን፤ ብዙ ከእቅድ ጋር ተጓዳኝ ይሁኑ አይሁኑ ባይታወቅም ብቻ መጠናት ወይንም መጤን ያለባቸው ጉዳዮች አሉ፡፡

እናጣራ! Read More »

ድምጽ አልባው ጦርነት

ይሄ ማህበራዊ ሚዲያ በጣም ብዙ ጥቅም ያለውን ያህል ጎጂነቱም ቀላል እንዳይመስላችሁ፡፡ እኔ የማህበራዊ ሚዲያ ተጠቃሚ እንደመሆኔ መጠን አንዳንዴ የፈለግኩትን ብቻ እያጣራሁ እና እያጠለልኩ ሳይሆን ከነድፍድፉ የምጋፈጥበት ሁኔታ አሌ አይባልም፤ ምክንያቱም አልጎሪዝሙ ክሊክ አድርጌ የምመርጠውን ብቻ ሳይሆን ያልመረጥኩትን ጭምር ስለሚያቀርብልኝ ነው፡፡ ደግሞ ሰዎች አይደለን እንጓጓለን፤ “ካመጣው ለምን አላይ አልሰማ!?” ብለን፡፡

ድምጽ አልባው ጦርነት Read More »

ሙስና ወይንስ ጉቦ!?

የስራ ዘመኔን ወደኋላ ሄጄ ሳስታውስ በጣም የሚናፍቁኝ ብዙ ነገሮች አሉ፡፡ ከሰው ጋር አብሮ እንደመስራት ድንቅ ትምህርት ቤት አለ ይሆን!? እኔ በጭራሽ የለም ነው የምለው፡፡ ለምን መሰላችሁ ትምህርት ቤት (ኮሌጅ እና ዩኒቨርስቲን ጨምሮ) የምንማረው በተግባር የሚወርደው ተቀጥረን ስንሰራ ወይንም የራሳችን ድርጅት ኖሮን ቀጥረን ስናሰራ ነው፡፡ እዚህ ውስጥ ደግሞ እንደ ቀስተደመና ቀለም የተዥጎረጎርን ሰዎች አለን፤ የድርጅቱን አላማ ለማሳለጥ (በአዲሱ አባባል) የምንጣመር፡፡

ሙስና ወይንስ ጉቦ!? Read More »

ዶሮ ፊት ፈንግል ካልተወራ ልጆች ፊትስ?!

መቼስ አባቶቻችን ተረት ሲያውቁ እኮ! ቆይ ግን ይቅርታ አባቶቻችን ብቻ ነበሩ እንዴ የሚተርቱት? ጀመረኝ ደግሞ ዋና ሀሳቤን ገና ሳልዳስስ የተረት እና ምሳሌ ታሪካዊ አመጣጥ የአባቶች ወይንስ የእናቶች ወደሚለው ዥው ብዬ ገባሁ፡፡ ብቻ የድሮ ተረቶች አስተማሪዎች ናቸው፡፡ ለምሳሌ በርእሱ ያነሳሁት “ዶሮ ፊት ፈንግል አይወራም” የሚለው መቼስ ዶሮዎች ጆሮ ስላላቸው አይደለም፤ ሰውኛ አባባል ሆኖ እንጂ እኛን ለማስተማር፡፡ የዚህ አባባል አንዱ ግጣሙ ልጅ ፊት የማይወሩ ነገሮችን እንዳናወራ የሚያስታውስ ይመስለኛል፡፡ እርግጥ ነው ታማሚ ፊትም ስለሞት አይወራም፡፡

ዶሮ ፊት ፈንግል ካልተወራ ልጆች ፊትስ?! Read More »

የ 15 ዓመት ባለልደቷ ጉብል ገራችኝ!

በሕይወታችን ውስጥ አቅጣጫ በማስያዝ፣ በመምከር፣ በመዝከር፣ በመደገፍ፣ እንዲሁም በመገሰጽ ትልቅ ድርሻ ያላቸው ሰዎች በአብዛኛዎቹ ታላላቆቻችን ናቸው፡፡ ምክንያቱም ከተኖረ ሕይወታቸው ቆርሰው ስለሚሰንቁልን፡፡ አንዳንዶች አሉ ወጣቶች ሆነው ታናናሾች ሆነው የታላላቆችን ሚና የሚጫወቱ፤ ሕይወት መቀየር ብቻ አይደለም የመኖርን ትርጉም ፍንትው አድርገው የሚያሳዩ፡፡

የ 15 ዓመት ባለልደቷ ጉብል ገራችኝ! Read More »

እኩልነት ለምኔ!

የማርች ወር መቼስ ሴቶች በአንድ ጣራ ስር በብዛት የምንታደምበት ወር ነው፡፡ ደስ ያሰኛል! ቢያንስ በአመት እንዲህ አምሮብን፣ ተሳክቶልን፤ በጀት ተበጅቶልን (ውሳኔ ሰጪው በአብዛኛው ያኛው ጾታ ነው ብዬ ነው) የልብ የልባችንን ማውራት ቀላል ነገር እንዳይመስላችሁ፡፡ በዚህ አጋጣሚ አቅልላችሁ ለተመለከታችሁት ወንድሞች እና እህቶች ይቅር በሉኝና ተሳስታችኋል የምል ነኝ (ስለይቅርታችሁ አመሰግናለሁ!)፡፡ አንዳንዶችማ “በየአመቱ ተመሳሳይ ነገር ለማውራት ቢሰበሰቡት ምን ዋጋ አለው፣ ከስብሰባ ያለፈ ተግባር አናይም፣ ለይስሙላ ነው፣ ወዘተ” በሚል መንፈስ ድከም ብሏቸው ሌላውንም ሰው ያዳክማሉ፡፡

እኩልነት ለምኔ! Read More »

አትሞገሽ ያላት ፍጡር!

ሰው የሚለው ስያሜ ውስጥ ሁለታችንም አለን፤ ሴቶችም ወንዶችም፡፡ ነገር ግን ለአገላለጽ ስንጠቀመው ሰው የሚለውን ስያሜ በወንድ እንጠቀልለውና ሴቶችን እንዘላቸዋለን፤ ማለቴ እኛ ሴቶች እንዋጣለን፡፡ ለምሳሌ “ሰው መጣ” ስንል የመጣችው/የመጣው ሴት ወይንም ወንድ ሊሆን ይችላል፡፡ ያኔ ነበር ከመነሻው “ለምን?” ብለን መጠየቅ የነበረብን፡፡ ምክንያት ካላችሁኝ ኋላ ላይ ልመለስበት፤ አይሻልም? ወይንም ሳልመለስም ቢሆን ሀሳቤ ይገልፀው ይሆናል፡፡ ከዚያ በፊት ግን እንኳን ለአድዋ የድል መታሰብያ እና ለማርች የሴቶች ወር አደረሰን! ወቅቱ የአድዋ ድል የሚዘከርበት እና ተከትሎም የማርች ወር የሴቶች እኩልነት ይረጋገጥ በሚል ብዙ መድረኮች የሚዘጋጁበት እና እኛም የምንሳተፍበትም አይደል፤ እኮ!

አትሞገሽ ያላት ፍጡር! Read More »

አማጭ-አዋጭì

ትዳር ከሚመሰረትበት መንገድ አንዱ በአማጭ በኩል የሚደረግ መጣመድ (matchmaking)  ነው። “እከሌና እከሊት ቢጋቡ ጥሩ ይጣነዳሉ” ብሎ/ላ በጥሩ መንፈስ የተነሳሳ ሰው ለሁለቱ ተጣናጆች እንዲተያዩ፣ እንዲተዋወቁ ሁኔታውን ሲያመቻቹላቸው ማለት ነው። በቅን ልቦና ተነሳስተው እራሳቸውን የአማጭ መንበር ላይ ያስቀመጡ ሰዎችን የማደንቅ ነኝ፤ እኔ በግሌ፡፡

አማጭ-አዋጭì Read More »

Scroll to Top